[ Add news entry ]
|
Японы төдийгүй дэлхийн автомашины томоохон үйлдвэрлэгчдийн нэг Тоёота компанийн ажил нэлээд саадтай байгаа билээ. Тус компанийн үйлдвэрлэсэн бүтээгдхүүнүүдээс чанарын шаардлага хангахгүй, аюул ослын үед найдваргүй гэсэн нэрийг дахин хоёр загварын машин нэмж зүүх боллоо.
Тоёота үйлдвэрийн "Камри”, "Харриер” машинуудын түлшний системд техникийн доголдол илэрсэн байна. Тус компанийн удирдлагуудын мэдээлснээр Америкт худалдаалагдаж байсан "Камри седан” болон дотоодын зах зээлд нийлүүлж байсан "Харриер” жип машины түлшний системд доголдол илэрчээ. Эдгээр машинуудад түлш алдагдах гажиг илэрч болзошгүй ч үйлдвэрлэгч компанийн мэргэжилтнүүдийн ярьж буйгаар ийм тохиолдол саяд нэг тохиолдох магдлалтай гэнэ.
Их аварга зодог тайлснаар Монгол, Япон төдийгүй дэлхийн нэр хүндтэй хэвлэлүүдийн анхааралд өртөөд байгаа. Дагваагийн хувьд хэл аманд өртөж нэлээд барцадтай байсан учраас барилдааны сүүлийн өдрүүдэд ээжийгээ Монголоос дуудан дэргэдээ авчирсан байжээ. Хүүгийнхээ гэнэтийн шийдвэрийг сонсоод Х.Пүрэвбадам гуай "Миний хүү одоо болноо, болно.
Одоо үүнээс илүүгээр яах вэ” хэмээн тайвшруулж байсан тухай Японы хэвлэлүүдэд дурджээ. Мөн түүний зодог тайлсан нь маш зөв зүйтэй алхам болсон гэдэгтэй санал нэгдэх хэсэг ч байна. Тэд үүнийгээ нэг талаар хөрөнгө мөнгөний асуудалтай холбон тайлбарлаж байгаа юм. "The Akita Sakigake Sports”-д онцолсноор хэрвээ Асашёорюү хөөгдвөл маш их мөнгө алдах байжээ. Бас зодог тайлах ёслолоо ч нэр төртэйгөөр үйлдэж чадахгүй ичгэвтэр байдалд орох байсан гэнэ. Зодог тайлах ёслолын ажиллагааны тоглолтын орлогыг тухайн сумоч өөрөө авдаг дүрэмтэй. Озэки цолтой бөхчүүдийн зодог тайлах ёслолын ажиллагааны дундаж орлого 5-8 сая доллар байдаг бол Их аваргынх бүр илүү байх нь тодорхой. Үүнийг тэр авч чадахгүй болох байв. Мөн барилдааныхаа туршид холбооны дансанд хадгалуулсан тусгай шагналын мөнгөө ч холбооны орлого болгох ёстой байжээ. Асашёорюү өөрөө зодог тайлах шийдвэр гаргаснаар энэ бүх хөрөнгөө өөртөө авч үлдэж чадлаа хэмээн тухайн хэвлэлд онцолжээ.
Guest Таны захиа: Бүлэг:Зочин |